Lífið og tilveran

Ég hef alla tíð verið mikil áhugamanneskja um "frægar" tilvitnanir.  Það er ótrúlegt hvað fólk hefur í gegnum tíðina verið alveg merkilega hnyttið og orðheppið.  Ekki nóg með það, heldur hefur það haft oft rétt fyrir sér, oft í kaldhæðni sinni. 

Ég hef því í gegnum tíðina átt það til að sökkva mér ofan í hinar og þessar bækur um tilvitnanir og haft gaman af.  Með tilkomu Internetsins hefur það orðið enn einfaldara að leita að skemmtilegum tilvitnunum og er gott dæmi um það heimasíða sem góður vinur benti mér á í vikunni - www.tilvitnun.is - Á síðunni má finna þekktar og minna þekktar tilvitnanir, hafðar eftir bæði íslenskum og erlendum einstaklingum.  Nokkur dæmi má lesa hér fyrir neðan: 

Fyrirgefðu ávallt óvinum þínum; ekkert pirrar þá jafn mikið.  - Oscar Wilde

Öfgamaður er sá sem getur ekki skipt um skoðun og vill ekki skipta um umræðuefni - Winston Churchill

Það er ekki hægt að segja að bók sé siðleg eða ósiðleg. Bækur eru vel eða illa skrifaðar. Það er allt og sumt. -Oscar Wilde

Vinur þinn er sá sem veit allt um þig og líkar samt sem áður vel við þig. - Elbert Hubbard

Ég hef einmitt verið að velta fyrir mér vináttunni síðustu daga - hef reyndar verið að velta ýmsum hlutum fyrir mér þessa dagana.  Enn er ekkert að frétta af skólamálunum, staðreynd sem pirrar mig alveg óendanlega mikið - alltaf erfitt að þurfa að láta aðra taka ákvarðanir fyrir mann, þó oft sé það einmitt það sem maður vill  

Hvað um það - akkúrat núna er ég of þungt hugsi um vináttuna, menntun, lýðræðið, pólitíkina, menntahroka og öfgamenn að það er ekki innihaldsríkara blogg í boði þessa stundina - meira á morgun.

Athugasemdir

[erlahlyns.blogspot.com, 3.4.2007 kl. 16:07]

Fín þessi nýja íslenska síða sem tileinkuð er tilvitnunum. En tókstu eftir að íslensku karkyns höfundarnir eru 39 en konan ein?

[Jason Ólafsson (IP-tala skráð) 12.4.2007 kl. 23:50]

Íslenskum kvenkynshöfundum fer strax fjölgandi eftir síðustu athugasemd. Ef einhver lumar á góðum tilvitnunum þá má endilega senda þær á mig og ég set þær á síðuna.  Albertína, lumar þú ekki á einni heimatilbúinni? Kær kveðja Jason Ólafsson, [e-mail],  www.tilvitnun.is