Dæmi um neikvæðan fréttaflutning af landsbyggðinni

Ég hreinlega get ekki orða bundist. 

Hvað í ósköpunum kemur það málinu við að þyrla sem nauðlenti á Grænlandsjökli hafi hugsanlega verið hluti af þeim hópi þyrlna sem fékk undanþágu til að fljúga frá Ísafirði í fyrrakvöld?!!?

Í fyrsta lagi þá kemur þá málinu hreint ekkert við hvaðan e-r flýgur hvort hann lendir í slysi eða ekki - ekki eins og þau geri boð á undan sér?!  Þvi er fyrirsögnin hreinlega meiðandi - eins og því sé að kenna að þyrlan hafi fengið sérstakt leyfi til brottfarar frá Ísafirði að hún hafi síðan nauðlent?  Ég spyr - hefði verið skrifað um þetta á sama hátt ef þyrlan hefði farið frá Reykjavíkurflugvelli eða Akureyrarflugvelli!?  Fyrirsögnin hefði geta t.d. verið:  "Þyrla sem flaug frá Íslandi (jafnvel Ísafirði) nauðlenti á Grænlandsjökli"

Í öðru lagi - Fyrirsögnin er líka fáránleg út frá því að samkvæmt fréttinni þá hefur Flugmálastjórn ekki hugmynd um hvort um sé að ræða þyrlu úr þeim hóp sem fékk leyfi til að fljúga frá Ísafirði eða hvort þetta sé e-r allt önnur þyrla sem hefur jafnvel aldrei komið á Ísafjörð: „ekki er hægt að lesa úr þeim upplýsingum sem Flugmálstjórn hefur hvort um sömu fisvél er að ræða og var hér á landi með hópnum.“

Í þriðja lagi og að lokum er auðvitað alveg hreint út í hött að Ísafjarðarflugvöllur eða Þingeyrarflugvöllur (ef því er að skipta) séu ekki skilgreindir millilandaflugvellir - þó ekki væri nema bara fyrir Grænlandsflugið - héðan er styst og þ.a.l. ódýrast að fljúga milli Íslands og Grænlands og ég veit það að Flugfélagið notaði völlinn hér talsvert fyrir gullgrafaraflugið og já, allt út af því að það er endalaust verið að spara hjá ríkinu þá var gerð smá reglugerðarbreyting sem veldur því að aðeins fjórir flugvellir á landinu mega sinna millilandaflugi?!

ARGGARG ég er reið út í ríkið fyrir þessa kjánalegu reglugerðarbreytingu og ég er reið út í Morgunblaðið fyrir að skrifa svona kjánalega og hreint og klárt ýkta fyrirsögn sem gerir ekkert nema að gefa ranga mynd!

                                                            

 

UPFFÆRSLA: Nú er komið í ljós að þyrlan sem brotlenti á Grænlandsjökli flaug ekkert frá Ísafirði - heldur frá Reykjavík - http://www.mbl.is/mm/frettir/frett.html?nid=1280749  og hvernig er fyrirsögnin á þeirri frétt?! Loftfar brotlendir á Grænlandsjökli!

 

Þyrla sem nauðlenti fékk sérstakt leyfi til brottfarar frá Ísafirði

Athugasemdir

[Sólveig (IP-tala skráð) 18.7.2007 kl. 14:30]

Vá hvað ég er sammála þér, þessi fréttaflutningur fór skelfilega í taugarnar á mér líka

[Hálfdán Bjarki (IP-tala skráð) 18.7.2007 kl. 17:00]

Já, menn voru svolítið að einblína á aukaatriðin þarna. Það var vissulega frétt út af fyrir sig að vélarnar komust ekki möglunarlaust frá Ísafirði á mánudag, en það mál leystist nú á hraða sem ég hef ekki áður séð hjá Flugmálastjórn. Þeir eiga að mínu mati hrós skilið fyrir að geta litið yfir reglugerðamúrinn svona í eitt skipti.

Persónulega finnst mér plebbalegt að kvarta yfir fréttaflutningi, en þarna held ég að moggamenn hafi örlitið misskilið hlutina, viljandi eða óviljandi. Að sjálfsögðu skiptir engu máli hvort þessi þyrla sem nauðlenti flaug frá Ísafirði. Það eina sem hefði breyst hefði hún farið frá viðurkenndum millilandaflugvelli er að hún hefði endað í sjónum á leiðinni yfir sundið.

[erlahlyns.blogspot.com, 23.7.2007 kl. 10:46]

Þessi moggi sko

En í DV í dag er sagt frá mávinum Sam sem rænir snakki í Aberdeen. Þú kannski hittir hann í haust.

„... Þegar enginn viðskiptavinur er fyrir utan og starfsfólkið er inni á bak við afgreiðsluborðið lætur Sam til skarar skríða. Fer inn í verslunina og hnuplar poka með Doritos-snakki sem hann deilir svo með félögum sínum.“

[Albertína Friðbjörg, 23.7.2007 kl. 11:29]

Takk fyrir ábendinguna Erla   Ég var einmitt búin að frétta af mávunum í Aberdeen í gegnum Facebook http://www.facebook.com/group.php?gid=2250383208    Er nú þegar farin að hlakka til að hitta þá í haust