Páskaveðrið komið

Það var yndislegt veður í gær, hreint út sagt  

Það gott veður að ég skellti mér á skíði í fyrsta skipti í vetur og það var alveg hreint yndislegt.  Reyndar var smá klístur undir skíðunum, en eftir að hafa skafið það af eftir mesta megni og sett viðeigandi áburð á skíðinn þá fattaði a.m.k. vel hjá mér!  Verst að það fattaði bæði afturábak og áfram þannig að ég rann frekar illa áfram líka 

Það lítur s.s. mjög vel út með páskasnjó (ennþá a.m.k.) og mikið ofboðslega hlakka ég mikið til  

Svona til að hvetja ykkur til að koma vestur um páskana þá tók ég nokkrar myndir í gær, annars vegar á leið heim úr vinnu og hins vegar á skíðunum.

Eftirfarandi voru teknar á leið heim úr vinnu...

Restin var tekin inn í Tungudal, nánar tiltekið meðan Bónushringurinn var genginn.

Fleiri myndir má sjá með því að smella hér. 

Meira síðar.

 

Athugasemdir

[Brynja Huld í Langtburtistan (IP-tala skráð) 15.3.2008 kl. 12:26]

Ég fæ heimþrá þegar ég sé þessar myndir, mín borg er falleg en hún hefur enga skíðaviku á Ísafirði, þannig er það nú bara.

 Hafðu það gott um páskana, bið að heilsa öllum