Albertína Friðbjörg

Miðvikudagur, 4. mars 2009

Langt á milli blogga, ólukka og vetrarmyndir

Það hefur verið langt á milli blogga núna, en venju samkvæmt hef ég ágætis afsökun, en ég ákvað að skella mér í að taka einn áfanga í haf- og strandsvæðanámi Háskólaseturs Vestfjarða, áfanga sem heitir Conflict resolution in resource management sem myndi útleggjast á einfaldan hátt sem átakastjórnun í auðlindastjórnun. Áfangann fæ ég síðan metinn inn í meistaranám mitt við HÍ. Þetta reyndist meir en lítið skemmtilegt að taka þennan áfanga, reyndar kalt í stofunni en það er annað mál Wink Þéssir áfangar eru settir upp á mjög skemmtilegan hátt, kennsla og verkefnaskil á þremur vikum og er þriðju vikunni að ljúka næstkomandi föstudag, en kennslu lauk á síðasta föstudag Smile

Reyndar verð ég nú að deila því með ykkur hvað ég tók hressilegt forskot á næsta föstudaginn 13. síðastliðinn föstudag. Ég veiktist; þ.e. fékk flensu, tölvan mín veiktist líka ansi hressilega og rennilásinn á úlpunni líka, eða nánar útskýrt móðurborðið í tölvunni minni brann yfir og rennilásinn á úlpunni hrökk í sundur Blush Á mánudaginn skrökklaðist ég ásamt flensunni í Netheima og Hafnarbúðina og voru tölvan og úlpan send suður í viðgerð Halo Verð að viðurkenna að verst fannst mér með tölvuna, en ég á að skila lokaverkefninu í átakastjórnunaráfanganum á föstudaginn Frown Það lítur þó ágætlega út með aðstoð litlu systur og tölvunnar hennar, reddast þetta ekki alltaf? Smile Flensan er a.m.k. loksins farin og ég frétti það af tölvunni í dag að hún viðgerð væri hafin LoL