Barnaskapur eða hrein og klár skemmtarfíkn og illkvitni?

Ein af þeim síðum sem ég fylgist reglulega með er heimasíða Slökkviliðs Ísafjarðarbæjar.  Þegar ég kíkti á hana áðan blasti við mér frekar sorgleg frétt. 

Fréttina má lesa hér fyrir neðan og ég verð að segja, ég er hreinlega orðlaus yfir að einhver skuli gera svona lagað!  Það er spurning um líf og dauða að þessi tæki séu í lagi og má seinast minnast eldsvoðans í Suðurtanga og slyssins í gær  

"Skemmdarverk á bílum slökkviliðs

30/08/2008 klukkan 10:58

Það var ekki glæsileg aðkoman á slökkvistöðna í morgun, en til stendur að aðstoða erlent kvikmyndaökulið í bænum, þegar við mættum þá sáum við að búið var að brjóta frammrúðu körfubils og tvær rúður í Econline tækjabíl, og tæma 6 lítra slökkvitæki sem í honum var. Slökkvilið Ísafjarðarbæjar vill biðja þá sem vita eitthvað um þetta mál að hafa samband við lögreglu."

Tekið af síðu Slökkviliðs Ísafjarðarbæjar, 30.08.08

Ég tek undir slökkviliðinu og hvet alla þá sem gætu hafa séð e-ð að láta lögregluna vita og ekki síður þá sem gerðu þetta að sýna smá kjark og koma fram og viðurkenna mistök sín.

Meira síðar.

Léleg þjónusta!

Hafið þið tekið eftir kaldhæðni lífsins hvað það varðar að þegar e-ð gerist þá gerist allt í einu

Ástæða þess að ég hef ekki bloggað síðustu daga er einfaldlega sú að ég hef verið í meir en 200% vinnu og hreinlega komið heim á kvöldin, unnið áfram og farið að sofa búin á því eftir daginn   Hmm... er ég nokkuð alltaf að kvarta hérna??  Þetta er reyndar alls ekki meint sem kvart, heldur afsökun.  Það er algerlega mitt mál að segja nei þegar ég er beðin um að gera e-ð - þó stundum séu aðstæður auðvitað þannig að maður segir bara já, alveg sama hvað - enda bara sjálfsagt að hjálpa til eins og hægt er  

Þrátt fyrir mikla vinnu hafa líka síðustu dagar verið nokkuð skemmilegir, haft samskipti við fullt af skemmtilegu fólki og fengið enn fleiri skemmtilegar hugmyndir og jafnvel komið sumum þeirra í framkvæmd   Ég er nefnilega pinku þannig að því meira sem er að gera hjá mér, því skemmtilegri hugmyndir fæ ég og því duglegri er ég við að framkvæma þær.  Reyndar langar mig að deila einni hugmyndinni með ykkur kæru lesendur ...

Ég veit ekki hvort þið vitið það, en þannig er það að við Vestfirðingar (þ.e. þeir sem hafa á annað borð adsl), erum að fá töluvert lakari adsl-sjónvarpsþjónustu en flestir aðrir (t.a.m. Akureyringar og Egilstaðabúar).  Hafið þið t.d. séð sjónvarpsauglýsingarnar um VOD-takkann sem á að veita okkur möguleikann á að leiga myndir samstundis með einum takka?  Eða vissuð þið að það er hægt að vera með allt að 60 stöðvar í áskrift? (ekki að ég sé að mæla með því ). 

Lengi vel hélt ég að málið væri að ljósleiðarinn til okkar væri bara svona lélegur (þið vitið, hann virðist slitna við minnsta átak og allt það ... ).  En svo var það nokkuð gáfaður maður hér í bæ sem útskýrði það fyrir mér að þetta snýst ekkert um ljósleiðarann.  Ljósleiðarinn vestur ber ekkert minna en í Reykjavík eða neitt svoleiðis heldur er málið einfaldlega að adsl-endabúnaðurinn hér er gamall (e-r sagði gamalt úr Breiðholtinu) og hann þarf að uppfæra.  Það þarf s.s. bara uppfæra adsl-endabúnaðinn til að við fáum sömu þjónustu og aðrir - ekkert spurning um að leggja heilan ljósleiðara að sunnan eða neitt slíkt.  Nú vil ég alls ekki vera að gera lítið úr þeirri vinnu sem felst í að uppfæra þennan búnað - en ég verð að segja, mér finnst algerlega út í hött að símafyrirtækin séu ekki búin að því.  Erum við e-ð annars flokks notendur?  Erum við að borga e-ð minna fyrir þjónustuna? 

Hvað um það, ekki það að ég hafi mikinn tíma til að horfa á sjónvarp - en ég mér finnst þetta samt frekar hallærislegt og myndi eflaust nota mér e-ð af þessari þjónustu.  Þannig að Hvað Er Málið?  Þar sem að ég var í stuði, þá ákvað ég að prófa að gera e-ð í málinu og stofnaði sum sé hóp á Facebook í gærmorgun og nú þegar eru komnir 116 meðlimir og búið að bjóða meir en 500 manns að taka þátt í hópnum og mótmæla þessu.  Ég sendi fyrsta bréfið á Símann í gær og ætla að senda annað á Símann og Vodafone á eftir.  Ég hvet alla sem eru sammála þessu að annað hvort skrá sig í hópinn á Facebook eða einfaldlega senda póst á Símann eða Vodafone og kvarta.  Við fáum varla fram nokkrar breytingar er það nema láta vita að við séum ósátt?

En já, annars allt fínt að frétta - kom mér út í smá göngutúr um daginn.  Rakst þar á þessi fallegu ber ...

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Og að lokum myndin fyrir ofan er af Arnarnesinu, tekin á leið í vinnu á mánudaginn

En jæja - vinnan kallar!  Endilega kommentið hér eða skráið ykkur í hópinn á Facebook eða sendið pósta á Símann og Vodafone ef þið eruð sammála mér

Meira síðar.

Áfram Ísland!

Ætla ekki allir að vakna í fyrramálið og horfa á leikinn?

Meira síðar.

Langt síðan síðast ...

... og líf mitt hefur verið vinna og ævintýri til skiptis

Það var víst á mánudag sem ég bloggaði síðast, en síðan þá hefur margt á daga mína drifið.  Á þriðjudaginn var ég að vinna og leiðsegja í tengslum við skemmtiferðaskipið og fleira.  Upprunalega planið hafði verið að fljúga suður seinni partinn á þriðjudeginum til að kaupa bíl sem ég hafði fundið á netinu.  Það fór þó svo að ég endaði á að fljúga suður með annarri vél en áætlað var og ekki fyrr en seint um kvöldið - af hverju er einfaldlega of löng saga til að segja frá hér, en þetta var skemmtileg ferð þrátt fyrir að ég hafi verið orðin verulega lúin þegar ég komst loksins til Reykjavíkur og síðan Mosfellsbæjar þar sem ég gisti

Tók auðvitað nokkrar myndir á flugi ...

Nema hvað, ég komst s.s. suður fyrir rest, með smá millilendingu   Gisti svo hjá Maríu Ögn og Kristni og morguninn eftir fórum við María Ögn og Katla Björt að kíkja á bílinn ... Endaði á að kaupa hann, Suzuki Ignis 4WD   Eftir smá meira stúss í Reykjavík var stefnan svo sett aftur vestur seinni part miðvikudags, í þetta skiptið keyrandi á nýja bílnum.  Bíllinn stóð sig eins og hetja, þó ég verði að viðurkenna að ég hélt hann myndi hrynja í sundur og sprengja öll dekk á leiðinni frá Bjarkalundi og inn í botn Þorskafjarðar - eigum við e-ð að ræða hvað sá vegkafli er hrikalegur??!

Tók auðvitað myndir á heimleiðinni líka

Næstu dagar fóru svo í vinnu og meiri vinnu, þ.e. þessa venjulegu vinnu og svo var ég ásamt Írisi að stússast í kringum Skógræktarþingið sem var haldið hér á helginni.  Afskaplega ágætt fólk sem var þar saman komið og held bara almenn ánægja með Ísafjörð   Reyndar gaman að segja frá því að amma fékk viðurkenningu á þinginu fyrir einstök störf í þágu skógræktar ... til hamingju amma

Í gær var það svo aftur Reykjavík ... bara smá kennarahittingur fyrir frumgreinanámið, bara að hittast og undirbúa önnina og svo heim aftur með seinni vélinni og afmæli hjá litla bróður um kvöldið  

Sem sagt, engin leti í gangi hérna megin þessa dagana ... 

En jæja, er víst enn í vinnunni og klukkan farin að ganga í kvöldmat - best að koma sér heim ...

Meira síðar.

Bíll til sölu!

Elsku litli sæti bíllinn minn er til sölu ...

Hann heitir s.s. Nissan Micra, árgerð 1996, ekinn 141 þús km.  Hann ber sín 12 ár alveg ágætlega, en er með nokkrar rispur og beyglur að utan o.s.frv.  Hann þarfnast einnig viðgerða, en virkar fínt í innanbæjarakstri ... Hann er mjög nettur í akstri og meira að segja fínn í snjó.

Ef þig vantar ódýran og skemmtilegan bíl með persónuleika þá endilega hafðu samband í síma 848 4256 til að fá nánari upplýsingar og gera tilboð

Ó borg mín borg

Jebb, þið lásuð rétt - ég er á leið suður, bara í örstutt skrepp reyndar.  Fer suður seinni part á þriðjudag og heim aftur á miðvikudag  

Hef annars verið bara að vinna á fullu og þess á milli hef ég verið alveg hreint óhemju hrikalega löt eins og gerist alltaf hjá mér seinni parts sumar e-a hluta vegna  

Hef þó ekki verið latari en svo að ég hef drifið mig í göngutúr bæði í Stórurð og Tunguskóg   Tók nokkrar skemmtilegar myndir þar ...

Þessi skógarguð er í Tunguskógi

Og þessi í Stórurð ...

Já, ég verð eiginlega að nota tækifærið og hvetja fólk til að skella sér í skógarheimsókn, alveg ótrúlegt hvað trén hafa vaxið - bæði inn í skógi og upp í Stórurð (hvernig svo sem þetta er skrifað) - og stígarnir hafa verið lagfærðir heilmikið og nýjir búnir til   Virkilega flott mál og um að gera góða veðrið á meðan það helst.  Verst hvað það hafa verið miklir þurrkar, lækirnir inn í skógi farnir að þorna og aðeins þurrir árfarvegirnir eftir

Fleiri myndir að venju á flickrinu

En jæja, bíó á eftir og nóg að gera ...

Meira síðar.

 

Eigum við að ræða veðrið?

Veðrið hérna fyrir vestan hefur hreint og klárt verið alveg hreint stórkostlegt síðustu vikur   Eiginlega of gott til að vera satt   Ég er búin að vera nokkuð dugleg við að fara út að hreyfa mig, enda veðrið þannig að það nálgast það að vera synd að sitja inni í leti  

Það er samt ótrúlegt hvað það tíminn líður hratt.  Verslunarmannahelgin liðin með öllum sínum góðu gestum og Mýrarboltanum.  Tók alveg nokkrar myndir á laugardeginum, en var svo óánægð með þær allar að einungis þessi fær að fljóta með ...

Meðan ég man, takk fyrir öll fallegu kommentin ykkar um myndirnar mínar - hvetjandi til að halda áfram að taka myndir.  Það er svo sérstakt hvað mér finnst endalaust gaman að taka myndir ... stundum sé ég e-ð og ég er hreinlega ekki með frið í sálinni fyrr en ég hef tekið mynd af því    Ég tók nokkrar slíkar á helginni ...

Fleiri myndir að venju á Flickrinu mínu  

Já, helgin var fín.  Kíkti aðeins á Edinborgarhúsið á föstudagskvöldið, stoppaði reyndar ekkert mjög lengi, var svo heillengi á Mýrarboltanum á laugardaginn og lá í leti um kvöldið, en á sunnudaginn fór ég aftur á Mýrarboltann og svo á Mýrarboltadjammið um kvöldið.  María Ögn og fjölskylda voru svo hérna í heimsókn, en ég náði því miður mjög lítið að hitta hana í þetta skiptið   En við bætum úr því síðar  Var annars mestmegnis alla helgina að njóta þess að liggja í leti  

En nú er það vinnuvikan sem er tekin við - en trúið þið þessu?  Strax fimmtudagur á morgun!

Meira síðar.

Blogg í rusli og alltof langt síðan síðast

Já, eins og hjá öðrum Moggabloggurum fór útlitið á blogginu mínu í pinku rugl.  Ówell, svona lagað gerist.  Það er búið að vera heilmikið að gera hjá mér upp á síðkastið og svo hefur hreinlega verið svo hrikalega gott veður úti að það hefur enginn tími verið til að blogga eða annað slíkt.  

Ég skrapp til Reykjavíkur út af vinnunni á sunnudagskvöld, kom aftur með hádegisvélinni á þriðjudaginn - bara stutt stopp en samt sem áður þrír bílaleigubílar!  Þar sem veðrið var svo svakalega gott báðar leiðir þá fengum við útsýnisflug bæði frá Ísafirði og til Ísafjarðar.  Hér fyrir neðan má sjá nokkrar myndir úr fluginu til Reykjavíkur.  Hef ekki haft tíma til að setja hinar inn, þær koma bara seinna.  Biðst velvirðingar á gæðunum, en það var ekkert auðvelt að taka góðar myndir út um flugvélargluggann - en virkilega gaman

Annars hafa síðustu dagar einfaldlega farið í vinnu (ferðamannaveiðar) og svo eftir vinnu hef ég farið í göngutúra með litlu systur í góða veðrinu

Við fórum á þriðjudaginn upp á Seljalandsdal í steikjandi hita og logni ... tók eftirfarandi myndir þar.

Þið getið skoðað fleiri myndir á Flickrinu mínu ef þið hafið áhuga á 

En bara stutt í þetta skiptið - ætla að drífa mig yfir á Langa Manga - síðasta kvöldið sem staðurinn er opinn og síðasta Drekktu Betur keppnin á Langa Manga!  Verð að viðurkenna að mér finnst mikil eftirsjá í staðnum og hefði gjarnan viljað að e-r hefði séð sér fært að kaupa staðinn og reka hann áfram, en c'est la vie ... og allt getur enn gerst

Meira síðar.

Vestfjarðahringurinn

Já, bara örstutt - allt við það sama hérna megin ... keyrði Vestfjarðahringinn í gær (utan Stranda í þetta skiptið), þ.e. keyrði frá Ísafirði og yfir á Reykhóla ... fór Djúpið ... keyrði svo frá Reykhólum yfir á Flókalund (stoppaði og borðaði í Bjarkalundi, frábær súpa), keyrði svo frá Flókalundi yfir á Hrafnseyri þar sem ég fékk kaffi hjá Lóu frænku áður en ég hélt heim á leið á Ísafjörð  

Ég stoppaði oft og reglulega á leiðinni og ég verð eiginlega að vekja athygli ykkar á hvað vegirnir eru orðnir góðir og þó var ég, notabene, að keyra í rigningu næstum alla leiðina   Jú, það voru örfáir leiðindablettir á leiðinni, en þeir tóku svo fljótt af að ég man ekki einu sinni eftir þeim núna!  Ég mæli með því að íbúar Vestfjarða taki sig til og heimsæki heimasvæði sitt.  Það er t.d. tilvalið að leggja af stað á laugardagsmorgni og gista á leiðinni og koma heim á sunnudegi   Virkilega, verulega fallegt land sem við eigum og við eigum að vera stolt af því

Myndir já, ég var óvenju löt með myndavélina í þetta skiptið - sem helgast líklega mest af rigningunni ... tók þó nokkrar ...

Annars er málið þessa dagana einfaldlega vinna og að njóta lífsins og sumarsins, er ekki það sama í gangi hjá flestum öðrum?   Var niður í Upplýsingamiðstöð/Vesturferðum hluta dagsins að veiða ferðamenn ... tók þessa mynd þar í eitt af þeim skiptum sem fáir ferðamenn voru á svæðinu ...

Fleiri myndir á Flickrinu

Meira síðar.

 

Tunguskógur

Gaman að segja frá því að ég er búin að fara nokkrum sinnum inn í Tunguskóg í sumar.  Það er svo merkilegt hvað það er alltaf gott veður þarna innfrá   Það er líka frábært hvað þetta er orðinn mikill "skógur" (svona miðað við Ísland)   Fór síðast í göngutúr með litlu systur í gær og tók, venju samkvæmt, nokkrar myndir.

Fleiri myndir á flickr-inu

Annars ósköp lítið að frétta, bara meir en nóg að gera í vinnunni sem er hið besta mál.  Var með smá garðveislu á laugardaginn sem heppnaðist held ég ágætlega, ég skemmti mér a.m.k. mjög vel   Vikan er svo framundan - ekkert planað í augnablikinu ... spurning um að fara að undirbúa kennslu vetrarins?

Meira síðar.