Hvít jól?

Eigum við að ræða það að á morgun verða aðeins 9 dagar til jóla og ég er ekki búin að kaupa eina einustu jólagjöf?  

Já, það hefur svo sannarlega verið nóg annað að gera, jólahlaðborð og fleiri skemmtilegheit og svo er ég enn að taka upp úr kössunum   Neðri hæðin er orðin nokkuð mikið heimilisleg, ánægð með það  ... hins vegar er efri hæðin   Já, við skulum ekkert ræða það neitt meira.

Tókuð þið eftir tunglinu í gær?  Ekkert smá stórkostlegt   Tók tvær myndir af því í gær, önnur lýsir útsýninu úr íbúðinni vel, hin var tekin úr Engidalnum

Vona að jólaundirbúningurinn gangi vel hjá ykkur

Meira síðar.

Athugasemdir

[Sigrún Jónsdóttir, 14.12.2008 kl. 23:31]

Frábærar tunglmyndir

Njóttu jólaundirbúnings Albertína mín og Gleðileg Jól

[Albertína Friðbjörg, 14.12.2008 kl. 23:32]

Takk sömuleiðis

[Níels A. Ársælsson., 15.12.2008 kl. 00:13]

Þær eru báðar fallegar en sú neðri er alveg einstök.

Hvaða vél ertu að nota ?

[Albertína Friðbjörg, 15.12.2008 kl. 10:46]

Takk kærlega fyrir það, já er mjög ánægð með þessa neðri   Hvernig vél já, ég nota nú bara svona litla digital vél, Canon Powershot SD 550 / Ixus 750 ... hún hefur verið að virka mjög vel fyrir mig   Verð þó að viðurkenna að mig kítlar örlítið í fingurna að fá mér stærri vél.

[Níels A. Ársælsson., 15.12.2008 kl. 22:19]

Já þetta er nú samt hörku vél sem þú ert að nota og svo auðvitað veldur hver á heldur.

Er ég horfi inn í nóttina yfir húsþökin þar sem máninn speglar hafflötin líður mér eins og einstæðningnum Ólafi Kárasyni á Fæti undir fótafæti er hann vonaðist eftir kraftbirtingarhljómi guðdómsins.

Frábær mynd !

Gangi þér vel með efri hæðina. ....