Vetrarsól

Takk kæru vinir fyrir öll fallegu kommentin ykkar við síðustu færslur, virkilega gott að finna stuðning eins og þið þekkið. 

Jæja, lífið að komast í fastar skorður og lærdómurinn liggur framundan svo langt sem augað eygir.  Veðrið síðustu daga og veðrið sem er í veðurkortunum næstu daga hjálpar þó ekki til

Ég hef oft reynt að koma því í orð hversu ofsalega vænt mér þykir um að fá að búa á stað eins og Ísafirði.  En það er svo skrýtið hvað orðin geta oft verið takmarkandi þegar kemur að því að tjá slíkar tilfinningar.  Þegar svoleiðis er þá er yfirleitt best að útskýra með gjörðum, eða já, myndum.

En jæja, aftur að lestrinum.  Meira síðar.

Athugasemdir

[Sigrún Jónsdóttir, 2.2.2009 kl. 13:42]

Mikið svakalega eru þetta flottar myndir og myndefnið náttúrulega það besta sem völ er á.  Kringlótti "andapollurinn" er alveg sérstakur þarna í lögðum firðinum.

Ég var á næturvakt s.l. nótt og komst í Moggann.  Las þá minningargreinar um Margréti frænku þína.  Ég sé að hún hefur verið frábær karakter og mikilsmetin sérfræðingur. Stórbrotin kona.   Missir ykkar er mikill kæra Albertína.