Keflavík - Osló - Tallin - Pärnu

Það var nokkuð hressilegt ferðalagið sem við skólasysturnar hófum á mánudagsmorguninn síðasta.  Dagurinn hófst með sturtu og síðustu pakkningunum kl. fjögur um morguninn (nóttina??) en svo var haldið á BSÍ þar sem við tókum flugrútuna til Keflavíkur kl. 5.00   Þaðan tókum við flugið og lentum í Noregi nokkru síðar.  Þar sem við höfðum 9 tíma á milli fluga var ákveðið að drífa okkur inn í borgina og hitta Siggu Gísla   Þetta var í fyrsta skipti sem ég hafði komið til Noregs og ég féll alveg fyrir Osló.  Sigga reyndist vera hinn besti leiðsögumaður og sáum við nokkuð góðan hluta miðborgarinnar.  Meðal þess sem við fórum að skoða var nýja óperuhúsið og verður að viðurkennast að það var nokkuð tilkomumikið!

Venju samkvæmt tók ég nokkrar myndir ...

Fleiri myndir á flickrinu.

Um kvöldið yfirgáfum við svo Osló og flugum með Estonian Air til Tallin í Eistlandi.  Ferðinni var þó ekki lokið þar, en námskeiðið sem ég er á (já, btw ég er s.s. á námskeiði í Eistlandi (Strategies for Local and Regional Development in the Northern Periphery, Resiliant regions and people, transformation and adaptation of local economies).  Á flugvellinum í Tallin beið leigubíll eftir okkur (vorum á þessu stigi orðin 7).  Þetta var sex farþega bíll með það sem leit út fyrir að vera pinkulítið skott.  Það reyndist þó ekki vera svo og okkur tókst að troða okkur og farangrinum öllum í bílinn   Þá tók við eins og hálfstíma akstur til Pärnu, sem er á vesturströnd Eistlands.  Það verður að viðurkenna að ég var orðin frekar mikið þreytt þegar við komum loksins á hótelið ... en sofnaði auðvitað ekki fyrr en seint og síðarmeir og var gærdagurinn því frekar mikið þreyttur   Við lærðum þó helling í gær og lítur út fyrir jafnvel enn meiri lærdóm í dag.  Á morgun hefst svo ferðalag okkar um landið og komum við aftur til Pärnu á laugardaginn, en þá hefst hópavinna og mikið fjör (eflaust)

Annars er það bara málningavinna og parketlagning þegar ég kem heim ... kann e-r að leggja parket sem langar að hjálpa mér??

En já, kennarinn heimtar athygli ...

Meira síðar.

Athugasemdir

[Sigga (IP-tala skráð) 5.11.2008 kl. 14:23]

Flottar myndir hjá þér, eins og alltaf. Mér finnst svo gaman að sjá Osló með augum annarra, í gegnum myndir. Kemur alltaf eitthvað nýtt sjónarhorn!

[Hrefna Katrín Guðmundsdóttir, 5.11.2008 kl. 17:33]

En spennó :) Mikið vildi ég að ég hefði komið með þér til Oslóar - hefði líka alveg verið til í skoðunarferð í Eistlandi en ekki viss um að ég myndi nenna þessu námskeiði - ég datt út áður en ég var búin að lesa hálft nafnið á því... ;)

Hlakka til að sjá nýju íbúðina í næstu ferð vestur, en ég kann samt því miður ekki að leggja parket...